Xarici xəbərlər

İsraillə əlaqəli haker qrupu İran bankına kiberhücum etdiyini iddia edir

İsraillə əlaqəli olduğu bildirilən “Gonjəşke Daran-də” (yəni “Yırtıcı sərçə”) adlı haker qrupu İranın ABŞ sanksiyaları altında olan “Sepah” bankına kiberhücum etdiyini və bankın məlumatlarını məhv etdiyini açıqlayıb.

Crossmedia.az xarici mediaya istinadən bildirir ki, məlumata görə, hakerlər sosial şəbəkədə yayımladıqları bəyanatda “Sepah” bankının beynəlxalq sanksiyaları pozaraq İran xalqının pullarını “terrorçu proxy qrupların, ballistik raket proqramlarının və hərbi nüvə layihələrinin” maliyyələşdirilməsinə yönəltdiyini iddia ediblər.

“Cəsur iranlılara təşəkkür edirik, məhz onların köməyi ilə bu əməliyyat mümkün oldu”, – deyə qrupun paylaşımında qeyd olunub.

Sosial şəbəkələrdə yayılan məlumata əsasən, bu gün səhər saatlarından etibarən Sepah bankının xidmətləri fəaliyyətini dayandırıb. İran tərəfi hələlik bu iddialara rəsmi münasibət bildirməyib.

Zəhra Ağayeva

🖨 Çap et

15:42 17.06.2025

Oxunuş sayı: 573