Almaniya və Fransa yəhudi icmalarının təhlükəsizliyini artırır
Yaxın Şərqdəki gərginliklər fonunda Avropada yəhudi icmalarına qarşı mümkün təhdidlərə qarşı təhlükəsizlik tədbirləri gücləndirilir. Almaniya və Fransa, İsrail missiyaları və yəhudi yaşayış məntəqələrində təhlükəsizlik səviyyəsini artırdıqlarını açıqlayıblar.
Crossmedia.az xarici mediaya istinadən bildirir ki, İsrailin Diasporla İş üzrə naziri Amixay Çikli açıqlamasında bildirib: “İsrail səfirliklərinə və yəhudi icmalarına qarşı təhdidlər indi həmişəkindən daha ciddi xarakter daşıyır”.
Nazir əlavə edib ki, İran İnqilabı Keşikçiləri Korpusunun yüksək rütbəli liderlərinə qarşı həyata keçirilən hədəfli hücumlardan sonra Tehranın revanş niyyətləri daha da artıb. Bu səbəbdən İsrail mümkün hücumlara qarşı daha diqqətli davranır.
Çikli qeyd edib ki, açıq mənbələrdən gələn bütün məlumatlar izlənilir və İsrail təhlükəsizlik qüvvələri, səfirliklər və yəhudi icmalarının mühafizəsi üçün digər ölkələrin təhlükəsizlik strukturları ilə sıx əməkdaşlıq aparır.
Zəhra Ağayeva
13:21 17.06.2025
Oxunuş sayı: 710
