Ankara sülh missiyasında: Ərdoğan İsrail-İran gərginliyinə vasitəçilik təklif etdi
İsrail və İran arasında hərbi gərginlik fonunda Türkiyə Prezidenti Rəcəb Tayyib Ərdoğan və İran Prezidenti Məsud Pezeşkian arasında ikinci dəfə telefon danışığı baş tutub.
Crossmedia.az xəbər verir ki, söhbət zamanı iki ölkə lideri regional və qlobal vəziyyətlə yanaşı, İsrail-İran münaqişəsini də müzakirə ediblər.
Prezident Ərdoğan bildirib ki, Türkiyə regionda sülhün bərpası və nüvə danışıqlarının yenidən gündəmə gətirilməsi məqsədilə vasitəçilik etməyə hazırdır.
O, münaqişəyə dərhal son qoyulmasının vacibliyini vurğulayıb.
Türkiyə lideri əlavə edib ki, bu istiqamətdə bir sıra ölkə başçıları ilə danışıqlar aparır və münaqişənin siyasi həllinə dair diplomatik səylərini davam etdirir.
Aybəniz Səfərova
18:10 16.06.2025
Oxunuş sayı: 10568
