Mirziyoyev: Yaxın Şərqdəki gərginlik Mərkəzi Asiyaya da təsir edəcək
Özbəkistan Prezidenti Şavkat Mirziyoyev Yaxın Şərqdə baş verən silahlı münaqişənin təkcə bu regionla məhdudlaşmayacağını, Mərkəzi Asiyaya da mənfi təsir göstərəcəyini bildirib.
Crossmedia.az xarici mediaya istinadən bildirir ki, prezident Mirziyoyev çıxışı zamanı dünyada sabitliyin pozulduğuna diqqət çəkərək deyib: “Dünyada qeyri-sabitlik ocaqları genişlənməkdədir və bu prosesin bizim regiona da təsiri qaçılmaz olacaq. Əgər eskalasiya davam edərsə, pandemiyadan sonra yeni-yeni bərpa olunan ticarət əlaqələri və logistika marşrutları yenidən təhlükə altına düşə bilər.”
Ölkə başçısı vurğulayıb ki, belə bir şəraitdə hər bir nazir və vilayət rəhbəri (hokim) öz sahəsində mümkün riskləri və imkanları öncədən dəyərləndirməli, təşəbbüs göstərərək qabaqlayıcı tədbirlər görməlidir. Mirziyoyev, qərarların yalnız yuxarıdan gəlməsini gözləmədən fəaliyyət göstərməyin vacibliyini xüsusi qeyd edib.
Zəhra Ağayeva
16:41 16.06.2025
Oxunuş sayı: 750
