Xarici xəbərlər
Kalininqradda partlayış: Rusiya hərbi obyektləri işıqsız qaldı
Ukrayna Müdafiə Kəşfiyyat İdarəsinin (GUR) agentləri Rusiya Federasiyasının Kalininqrad vilayətində yerləşən sənaye yarımstansiyasına hücum həyata keçiriblər.
Crossmedia.az xarici mediaya istinadən xəbər verir ki, bu barədə "Suspilne" nəşri xüsusi xidmət orqanlarındakı mənbələrə istinadən məlumat yayıb.
İnsident iyunun 14-də səhər saat 04:00 radələrində baş verib. Mənbənin bildirdiyinə görə, agentlər transformatorun soyuducu mayesini boşaldaraq obyektə od vurublar. Bu əməliyyat nəticəsində elektrik enerjisinin verilişi dayanıb və Rusiya hərbi-sənaye kompleksi ilə orduya məxsus bir sıra obyektlər işıqsız qalıb.
Rusiya tərəfinə dəyən ziyanın təxminən 5 milyon ABŞ dolları civarında olduğu qeyd olunur.
14:36 15.06.2025
Oxunuş sayı: 814
