Xarici xəbərlər

İsrail SEPAH komandanlığını aldadaraq dəqiq hücumla hərbi rəhbərliyi məhv edib

İsrail yüksək səviyyəli kəşfiyyat əməliyyatı ilə İran İslam İnqilabı Keşikçiləri Korpusunun (SEPAH) Hərbi Hava Qüvvələri komandanlığını məqsədli şəkildə aldadaraq yeraltı komanda mərkəzinə toplayıb və sonra dəqiq zərbə endirib.

Crossmedia.az xəbər verir ki, bu barədə İsrailin yüksək vəzifəli təhlükəsizlik rəsmisi “Fox News” telekanalına açıqlamasında bildirib.

Mənbənin sözlərinə görə, İsrail SEPAH komandanlığının həmin mərkəzdə toplantı keçirəcəyini əvvəlcədən müəyyən edib və bununla bağlı addımlar ataraq, rəqibin qərarlarına təsir göstərmək üçün dəqiq kəşfiyyat məlumatlarından istifadə edib.

İsrail Müdafiə Naziri Yoav Qallantın açıqlamasına görə, əməliyyat nəticəsində SEPAH-ın Hərbi Hava Qüvvələri rəhbərliyinin böyük hissəsi məhv edilib.

Eyni zamanda, İranın İsrailə qarşı potensial hücum vasitəsi kimi istifadə edə biləcəyi hesab edilən hava hücumundan müdafiə sistemləri və ballistik raketlər də sıradan çıxarılıb.

Rəsmi şəxslər əməliyyatın gözləniləndən daha uğurlu keçdiyini vurğulayırlar.

🖨 Çap et

18:17 13.06.2025

Oxunuş sayı: 862