İsrailin İrana endirdiyi zərbələr nəticəsində yüksək rütbəli komandirlər həlak olub
İsrail Hərbi Hava Qüvvələri İranda bir neçə strateji hədəfə hava zərbələri endirib.
Crossmedia.az "The New York Times"a istinadən xəbər verir ki, hücumlar nəticəsində Tehran ətrafında yerləşən azı altı hərbi bazaya, o cümlədən Pərçin bölgəsinə, həmçinin hərbi komandirlər üçün nəzərdə tutulan ciddi qorunan iki kompleksə və paytaxt ətrafındakı yaşayış binalarına ziyan dəyib.
İranın Tasnim xəbər agentliyi İsrailin hücumları nəticəsində İnqilab Keşikçiləri Korpusunun (SEPAH) komandanı general Hüseyn Salaminin həlak olduğunu təsdiqləyib.
Bildirilir ki, zərbələr nəticəsində həmçinin tanınmış nüvə alimləri – “Azad” İslam Universitetinin prezidenti Məhəmməd Mehdi Təhrançi və İran Atom Enerjisi Təşkilatının sabiq rəhbəri Fereydun Abbasi də həyatını itirib.
İsrailin Baş naziri Benyamin Netanyahu hücumların məqsədini açıqlayaraq bildirib ki, zərbələr İranın əsas uran zənginləşdirmə müəssisəsinə endirilib.
Tehran rəsmiləri vəziyyəti "müharibə aktı" kimi dəyərləndirərək cavab veriləcəyini bəyan edib.
Aybəniz Səfərova
09:08 13.06.2025
Oxunuş sayı: 1709
