ABŞ: Pakistan terrorla mübarizədə güclü tərəfdaşdır
ABŞ Mərkəzi Komandanlığının (CENTCOM) komandanı general Maykl Kurilla Pakistanı terrorizmlə mübarizədə “fenomenal antiterror tərəfdaş” adlandırıb. Generalın sözlərinə görə, feldmarşal Asim Munirin rəhbərliyi altında ABŞ və Pakistan arasında təhlükəsizlik sahəsində əməkdaşlıq daha da güclənib.
Crossmedia.az xəbər verir ki, bu barədə CNN məlumat verib.
Kurilla bildirib ki, iki ölkə arasında bu sahədə əməkdaşlıq regionda sabitliyin qorunmasında mühüm rol oynayır və Pakistanın terrorla mübarizədəki qətiyyəti yüksək qiymətləndirilir.
Qeyd edək ki, bu, ABŞ rəsmilərinin feldmarşal Asim Muniri ilk dəfə təqdir etməsi deyil. 2024-cü ilin oktyabrında ABŞ Silahlı Qüvvələrinin Mərkəzi Komandanlığının rəsmi nəşri olan UNIPATH jurnalı Asim Munirin peşəkarlığını və liderlik bacarıqlarını xüsusi olaraq vurğulamışdı. Jurnalda onun Pakistanın təhlükəsizliyi, sabitliyi və rifahına sadiq bir lider kimi önə çıxdığı qeyd olunmuşdu.
Nigar Rəhimova
18:00 12.06.2025
Oxunuş sayı: 910
