Xarici xəbərlər
Fələstinli qruplar: “Yəmən İsrailin üstünlük mifini sarsıtdı”
Fələstində Müqavimət Komitələri Yəmənin İsrailin nəzarətində olan ərazilərə qarşı həyata keçirdiyi raket hücumlarını dəstəklədiyini bəyan edib.
Crossmedia.az Fələstin mediasına istinadən xəbər verir ki, Komitələrin yaydığı açıqlamada bu hücumlar Qəzza zolağına dəstək çərçivəsində "keyfiyyətli addım" kimi dəyərləndirilib.
Bildirilib ki, Yəmənin son zərbələri İsrailin hərbi və təhlükəsizlik sistemlərində ciddi çaşqınlıq və gərginlik yaradıb, həmçinin İsrailin texnoloji və hərbi üstünlüyünə dair nəzəriyyəni şübhə altına alıb.
Qurum Yəmən xalqına və onun “cəsarətli rəhbərliyinə” təşəkkürünü bildirib, digər region ölkələrini və dünya xalqlarını da bu yanaşmanı örnək götürməyə, İsrail və ABŞ-ın maraqlarına qarşı mübarizəyə çağırıb.
Xatırladaq ki, mayın 22-də Yəmənin "Ənsar Allah" hərəkatından olan husilər İsrailin Ben-Qurion hava limanına raket zərbəsi endiriblər.
Aybəniz Səfərova
18:55 25.05.2025
Oxunuş sayı: 5252
