Pentaqon ABŞ əsgərlərinin Cənubi Koreyadan çıxarılacağı xəbərlərini təkzib etdi
ABŞ Müdafiə Nazirliyi (Pentaqon), Cənubi Koreyada yerləşən minlərlə amerikalı əsgərin geri çağırılması ilə bağlı yayılan məlumatların doğru olmadığını bildirib.
Crossmedia.az xarici mediaya istinadən bildirir ki, Pentaqonun sözçüsü Şon Parnell “X” hesabında yaydığı açıqlamada yayılan məlumatların reallığı əks etdirmədiyini deyib. O, ABŞ ilə Cənubi Koreya arasında hərbi əməkdaşlığın davam edəcəyini və tərəflər arasında güclü ittifaqın mövcud olduğunu vurğulayıb.
Cənubi Koreya Müdafiə Nazirliyi də məsələ ilə bağlı açıqlama verərək, Seul ilə Vaşinqton arasında əsgərlərin geri çəkilməsi ilə bağlı heç bir rəsmi danışıqların aparılmadığını bəyan edib.
Qeyd edək ki, ABŞ və Cənubi Koreya 2024-cü ildə müdafiə xərclərinin paylaşılmasına dair 5 illik razılaşma imzalayıblar. ABŞ prezidenti Donald Tramp isə bu xərclərin əsas hissəsinin Seul tərəfindən qarşılanmalı olduğunu dəfələrlə ifadə edib.
Pentaqonun təxminən 4 min 500 əsgərin geri çəkilərək Quam və digər Hind-Sakit okeanı ərazilərinə yerləşdirilməsi planını nəzərdən keçirdiyini yazıb. Hal-hazırda Cənubi Koreyada 28 min 500 ABŞ əsgəri xidmət edir.
Fatimə Nəbiyeva
16:12 24.05.2025
Oxunuş sayı: 868
