Londonda minlərlə insan Qəzzaya görə ayağa qalxdı: “Starmer, soyqırıma şərik olma!”
Böyük Britaniyanın paytaxtı Londonda minlərlə insan hökumətin İsrailə silah satışını dayandırması tələbi ilə küçələrə axışıb.
Crossmedia.az xarici KİV-ə istinadən xəbər verir ki,
Fələstin tərəfdarları Qəzza zolağında davam edən müharibə və dərinləşən
humanitar böhran fonunda Baş nazirin ofisinin qarşısında genişmiqyaslı etiraz
aksiyası keçiriblər.
Aksiya iştirakçıları Baş nazir Kir Starmer və xarici işlər
naziri David Lammy-nin siyasətinə etiraz olaraq “Starmer, Lammy, gizlənə bilməzsiniz
– sizi soyqırımla ittiham edəcəyik!” şüarları səsləndiriblər.
Etirazçılar həmçinin İsrailin son 11 həftə ərzində Qəzzaya
humanitar yardım buraxmamasına və bu vəziyyətə beynəlxalq ictimaiyyətin susqun
münasibətinə diqqət çəkiblər.
Onlar London hökumətindən daha sərt və ədalətli mövqe
nümayiş etdirməyi tələb ediblər.
Aybəniz Səfərova
13:55 24.05.2025
Oxunuş sayı: 851
