Dəhşət: “Vətən çağırır” heykəlində akademikin meyiti tapıldı
Rusiyanın Volqoqrad şəhərində yerləşən və Sovet İttifaqının ən ikonik abidələrindən biri sayılan “Vətən çağırır” heykəlinin içərisində kişi meyiti aşkar edilib.
Crossmedia.az xarici mediaya istinadən xəbər verir ki, İkinci Dünya Müharibəsi qurbanlarına həsr olunmuş və 85 metr hündürlüyü ilə dünyanın ən hündür qadın fiqurlu abidəsi hesab edilən bu monumental heykəlin baş hissəsində tapılan meyitin Moskva Dövlət Bədən Tərbiyəsi Akademiyasının direktoru, 68 yaşlı Nikolay Çesnokova məxsus olduğu müəyyən edilib.
V1.ru xəbər portalının məlumatına görə, Çesnokov 2025-ci ilin may ayında Volqoqradda keçirilən universitetlərarası idman festivalında iştirak etmək məqsədilə şəhərə səfər edib.
Abidəni ziyarət zamanı o, “Əbədi məşəl” önünə gül dəstələri qoyduqdan sonra heykəlin daxilinə girib və orada halı qəfil pisləşib.
Yanında olan həmkarlarının dərhal müdaxilə etməsinə baxmayaraq, Çesnokovu xilas etmək mümkün olmayıb. Hadisənin ilkin araşdırmalarına əsasən, akademik infarkt keçirərək həyatını itirib.
Moskva Dövlət Bədən Tərbiyəsi Akademiyasının rəsmi saytında yayılan açıqlamada Çesnokovun vəfatı təsdiqlənib. Hazırda Rusiya İstintaq Komitəsi hadisə ilə bağlı araşdırma aparır.
Qeyd edək ki, “Vətən çağırır” heykəli 1967-ci ildə ucaldılıb və Sovet İttifaqının faşizm üzərində qələbəsinin simvolu kimi tanınır.
Aybəniz Səfərova
00:30 24.05.2025
Oxunuş sayı: 11450
