Tramp: "Ukrayna müharibəsi düşündüyümdən daha çətindir"
ABŞ prezidenti Donald Trampın Rusiya lideri Vladimir Putinlə son telefon danışığından sonra səsləndirdiyi fikirlər Qərb mətbuatında ciddi rezonans doğurub.
Crossmedia.az xəbər verir ki, bu barədə UNiAN məlumat yayıb.
Trampın bu dəfə "tipik olmayan" şəkildə etiraf etdiyini bildirilir. Belə ki, o, Ukrayna ilə Rusiya arasında danışıqlarda əslində kifayət qədər məlumatlı olmadığını bildirib.
Trampın bu etirafı onun münaqişəni sadə və tez bir zamanda həll ediləcək kimi qiymətləndirməsinin tam əksi kimi səslənib. ABŞ-nin münaqişəni sona çatdırmaq cəhdləri hələlik gözlənilən nəticəni verməyib və proses düşündüyündən qat-qat mürəkkəbdir.
Nəşr yazır ki, Trampın Ukrayna müharibəsi barədə məlumat çatışmazlığı, Putinə üstünlük verir. Çünki Rusiya prezidenti tez-tez tarixi arqumentlər və seçmə faktlarla qarşı tərəfi "informasiyaya boğmaq" taktikasından istifadə edir. Ukraynalı diplomatlar və Avropalı tərəfdaşlar dəfələrlə Trampı bu cür danışıqlara hazırlamağa çalışsalar da, Ağ Evdə Ukrayna ilə bağlı "bilməməzlik divarına" rast gəldiklərini qeyd edirlər.
“Bu, bir növ messian kompleksidir. Elə bil hər şeyi bilirlər və heç kimi dinləmək istəmirlər”, – deyə bir ukraynalı diplomat bildirib.
Maraqlıdır ki, Putinlə mayın 19-da baş tutan telefon danışığından sonra Tramp ABŞ-ın bu münaqişəyə qarışmamalı olduğunu deyib: “Bu, Avropanın məsələsidir. ABŞ buna müdaxilə etməməli idi. Əvvəlki administrasiya bizi buna inandırdı və nəticədə Avropadan daha çox biz iştirak etdik. Bu, mənim müharibəm deyil”.
Tramp bu ritorikasının ABŞ-nin münaqişəyə təsir imkanlarını zəiflətdir və sülh prosesinə qeyri-müəyyən istiqamət verir.
Qeyd edək ki, ABŞ artıq nə Rusiya, nə də Ukrayna üzərində təzyiq qurmağa çalışmır. Sanksiyalar və ya diplomatik təşəbbüslərdən də danışılmır.
Fatimə Məmmədova
22:58 23.05.2025
Oxunuş sayı: 1049
