ABŞ-Rusiya qaz ittifaqına Avropa bloku: “Şimal axını 2” yenidən hədəfdə
Almaniya və Avropa Komissiyası ABŞ və Rusiyanın enerji sahəsində əməkdaşlığını bərpa etməsinin qarşısını almaq üçün “Şimal axını 2” qaz kəmərinin fəaliyyətinin bloklanması barədə razılığa gəliblər.
Bu barədə Crossmedia.az “Bloomberg”ə istinadən xəbər verir.
Məlumata görə, ABŞ və Rusiyanın qaz əlaqələrini bərpa etmək istəyi fonunda Avropa İttifaqı bu gün “Şimal axını 2”yə qarşı yeni sanksiyaları müzakirə edəcək.
“Reuters” yazır ki, İtaliya Avropa İttifaqının 2027-ci ilə qədər Rusiya qazının idxalını tamamilə dayandırmaq səylərini tam dəstəkləyir.
“The Financial Times”-ın yazdığına görə, Avropa Komissiyası gələn ay 2027-ci ilin sonunadək Rusiya qazı və mayeləşdirilmiş təbii qazın Aİ ölkələrinə idxalını qadağan etmək üçün hüquqi tədbirlər irəli sürəcək.
Bu addımlar Avropanın enerji asılılığını azaltmaq və geosiyasi riskləri minimuma endirmək məqsədi daşıyır.
20:34 23.05.2025
Oxunuş sayı: 839
