Sovet İttifaqı dağıldıqda KQB cəsusları Braziliyada “hədiyyə”buraxmışdı?
Braziliyada Rusiya kəşfiyyatına qarşı həyata keçirilən əməliyyat zamanı maraqlı bir sirr üzə çıxıb. Bir çox rus cəsusu necə olub ki, gerçək kimi görünən Braziliya doğum şəhadətnamələrini əldə edə bilib?
Crossmedia.az xarici araşdırmalara istinadən xəbər verir ki, Federal polis əməkdaşları əvvəlcə bu sənədlərin saxtalaşdırıldığını və ya yerli bələdiyyə məmurlarına rüşvət verilməklə hazırlanaraq, sanki 1980-ci və 90-cı illərə aidmiş kimi rəsmiləşdirildiyini düşünürdülər.
Lakin aprel ayında təqdim olunan məhkəmə-tibbi ekspertiza tamamilə fərqli bir mənzərə ortaya qoyub. Üst səviyyəli braziliyalı rəsmiyə görə, sənədlər nə saxta idi, nə də yeni hazırlanmışdı. Onlar həqiqi və illər öncəyə aid görünürdü.
Bu isə Sovet İttifaqının dağılmasından əvvəl KQB tərəfindən planlaşdırılmış uzunmüddətli bir cəsusluq strategiyasının izlərini gündəmə gətirir. Hazırda istintaq bu ehtimal üzərində ciddi şəkildə işləyir.
Braziliyalı əks-kəşfiyyat əməkdaşları indi daha cəsarətli və Soyuq müharibəni xatırladan bir ehtimalı dəyərləndirirlər. Tədqiqatçılar ehtimal edirlər ki, Sovet İttifaqının son illərində Braziliyada gizli vəzifədə olan KQB agentləri, mövcud olmayan körpələrin adlarına doğum şəhadətnamələri sənədləşdirə bilərdilər. Məqsəd isə gələcək nəsil cəsusların bir gün bu sənədləri istifadə edərək Qərbə qarşı mübarizəni davam etdirmələri idi.
Mədinə Cəlilova
22:31 22.05.2025
Oxunuş sayı: 893
