Mebel reqlamenti ictimai müzakirədə
Azərbaycanda “Mebel məhsullarının təhlükəsizliyi haqqında texniki reqlament” layihəsi ictimai müzakirəyə təqdim olunub.
Crossmedia.az xəbər verir ki, bu barədə Prezident yanında Antiinhisar və İstehlak Bazarlarına Nəzarət Dövlət Agentliyi məlumat yayıb.
Bildirilib ki, ictimai müzakirə başa çatdıqdan sonra texniki reqlament layihəsinin təsdiq üçün Nazirlər Kabinetinə təqdim olunması nəzərdə tutulur.
Qeyd olunan texniki reqlament insanların həyat və sağlamlığının, ətraf mühitin, əmlakın və dövlət maraqlarının qorunmasını, eləcə də istehlakçıları çaşdıran halların qarşısının alınmasını təmin etmək məqsədilə hazırlanıb. Layihə hazırlanarkən beynəlxalq təcrübədə mebel məhsullarına tətbiq olunan texniki reqlamentlər də nəzərə alınıb.
Sənədə əsasən, gələcəkdə mebel məhsullarının müxtəlif növləri üzrə təhlükəsizliklə bağlı digər texniki reqlamentlər qəbul edilərsə, həmin məhsullar mövcud olan bütün reqlamentlərin tələblərinə uyğun olmalıdır.
18:09 19.05.2025
Oxunuş sayı: 639
