Azərbaycan Respublikası Səhiyyə Nazirliyi V.Y.Axundov Adına Elmi-Tədqiqat Tibbi Profilaktika İnstitutunda Müşavirə Keçirilib
Oktyabrın 19-da “C.Cabbarlı küç. 37” ünvanı üzrə (V.Y.Axundov adına Elmi-Tədqiqat Tibbi Profilaktika İnstitutu) ərazi partiya təşkilatında Azərbaycan Respublikasının Prezidenti, Yeni Azərbaycan Partiyasının sədri cənab İlham Əliyevin YAP-ın VIII Qurultayındakı nitqindən irəli gələn məsələlərlə bağlı müşavirə keçirilib.
Müşavirədə YAP Yasamal rayon təşkilatının sədri Bəxtiyar Nəbiyev, V.Y.Axundov adına Elmi-Tədqiqat Tibbi Profilaktika İnstitutunun direktoru Adil Allahverdiyev, YAP Yasamal rayon təşkilatının əməkdaşları və ərazi partiya təşkilatının üzvləri iştirak ediblər.
Müşavirə Azərbaycan xalqının Ümummilli Lideri Heydər Əliyevin və Azərbaycanın müstəqilliyi, ərazi bütövlüyü və suverenliyi uğrunda canından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb. Ardınca Azərbaycan Respublikasının Dövlət Himni səsləndirilib.
Müşavirədə çıxış edən V.Y.Axundov adına Elmi-Tədqiqat Tibbi Profilaktika İnstitutunun direktoru Adil Allahverdiyev iştirakçıları salamlayaraq rəhbərlik etdiyi elmi-müalicə müəssisəsində keçirilən bu görüşün böyük ictimai, elmi və ideoloji əhəmiyyətə malik olduğunu vurğulayıb. A.Allahverdiyev diqqətə çatdırıb ki, Yeni Azərbaycan Partiyasının VIII Qurultayı ölkəmizin inkişaf dinamikasını müəyyən edən strateji dönüş nöqtəsidir. Dövlət başçısı cənab İlham Əliyevin qurultaydakı konseptual nitqi tibbi profilaktika, yoluxucu xəstəliklərə qarşı mübarizə, əhalinin sağlamlığının etibarlı qorunması və tibb elminin müasir standartlara inteqrasiyası baxımından mühüm vəzifələr müəyyən etmişdir. İnstitut direktoru qeyd edib ki, müəssisənin alim və həkim heyəti cənab Prezidentin rəhbərliyi ilə həyata keçirilən səhiyyə islahatlarına hər zaman dəstək verir və bundan sonra da həm tibbi profilaktika sahəsində innovativ tədqiqatların aparılmasında, həm də partiyanın ideoloji prinsiplərinin təbliğində var gücü ilə çalışacaqdır.
Çıxış edən YAP Yasamal rayon təşkilatının sədri Bəxtiyar Nəbiyev Azərbaycan Respublikasının Prezidenti, Yeni Azərbaycan Partiyasının sədri cənab İlham Əliyevin YAP-ın VIII Qurultayındakı tarixi və proqram xarakterli nitqinin dərin ideoloji-siyasi mahiyyəti, postmüharibə dövrünün gətirdiyi yeni reallıqlar və elmi-tibb müəssisələrinin qarşısında duran strateji hədəflər barədə geniş, ətraflı məruzə ilə çıxış edib. Bəxtiyar Nəbiyev bildirib ki, Ümummilli Lider Heydər Əliyevin banisi olduğu Yeni Azərbaycan Partiyası yarandığı gündən ölkəmizin müstəqilliyinin möhkəmləndirilməsi, siyasi sabitliyin təmin edilməsi və sosial-iqtisadi tərəqqinin əsas hərəkətverici qüvvəsi olmuşdur. Ulu Öndərin zəngin idarəçilik irsini uzaqgörənliklə davam etdirən cənab Prezident İlham Əliyevin rəhbərliyi ilə Azərbaycan Müzəffər Zəfərə imza ataraq ərazi bütövlüyünü və suverenliyini tam bərpa etmişdir. Əldə olunan bu tarixi qələbələr partiyamızın uzun illər ərzində yürütdüyü ardıcıl siyasi kursun və sarsılmaz xalq-iqtidar birliyinin parlaq nümayişidir. B.Nəbiyev xüsusi olaraq diqqətə çatdırıb ki, VIII Qurultayda qəbul olunmuş qərarlar partiya strukturlarının, xüsusən də səhiyyə və elmi-tədqiqat ocaqlarında fəaliyyət göstərən ərazi partiya təşkilatlarının fəaliyyətində keyfiyyətcə yeni mərhələ açmışdır. Müasir dövrdə bioloji təhlükəsizlik, epidemik nəzarət və profilaktik təbabət insan kapitalının korlanmaması və milli təhlükəsizliyin təmin olunması baxımından xüsusi çəkiyə malikdir. V.Y.Axundov adına Elmi-Tədqiqat Tibbi Profilaktika İnstitutunun alimləri və mütəxəssisləri yalnız tibbi-elmi fəaliyyətləri ilə deyil, həm də yüksək vətənpərvərlik ruhu, dövlətçilik təfəkkürü və partiya ideallarına sədaqətləri ilə cəmiyyətə nümunə olmalıdırlar. YAP Yasamal rayon təşkilatının sədri vurğulayıb ki, institutun ərazi partiya təşkilatı zəngin intellektual və elmi potensiala malikdir. YAP Yasamal rayon təşkilatı cənab Prezident İlham Əliyevin müəyyənləşdirdiyi strateji hədəflərin reallaşdırılması, partiya sıralarının keyfiyyətcə zənginləşməsi və rayonun sosial-siyasi həyatında fəallığın daha da yüksəldilməsi istiqamətində institutun partiya fəalları ilə sıx əməkdaşlığı ardıcıl olaraq davam etdirəcəkdir.
Çıxış edən “C.Cabbarlı küç. 37” ünvanı üzrə ərazi partiya təşkilatının sədri Fatma Hüseynova təşkilatın fəaliyyət istiqamətləri, elmi heyətin və gənc mütəxəssislərin partiya həyatındakı fəallığı barədə məlumat verib. F.Hüseynova bildirib ki, cənab Prezident İlham Əliyevin rəhbərliyi ilə ölkəmizdə elmin, səhiyyənin inkişafına və tibb işçilərinə göstərilən dövlət qayğısı kollektivi daha həvəslə çalışmağa ruhlandırır. O, ərazi partiya təşkilatının YAP-ın VIII Qurultayından irəli gələn tapşırıqları gündəlik fəaliyyətdə rəhbər tutaraq partiya ideyalarının geniş kütlələrə çatdırılmasında bundan sonra da ön sıralarda olacağını bəyan edib.
Müşavirənin sonunda Yeni Azərbaycan Partiyasının Himni səsləndirilib və xatirə şəkli çəkdirilib.
12:59 19.10.2026
Oxunuş sayı: 66
