Yaponiyada zəlzələ qorxusu turist axınına zərbə vurur
Yaponiyada bir manqa (komiks) yaxın gələcəkdə “həqiqi fəlakət” baş verəcəyini iddia edərək ölkədə narahatlıq yaradıb. Ruhani proqnozlar və feng shui ustalarının xəbərdarlıqları ilə birlikdə bu qorxu, xüsusilə Şərqi Asiyadan gələn turistlərin bəzilərinin səyahətlərini ləğv etməsinə və ya təxirə salmasına səbəb olub.
Crossmedia.az xəbər verir ki, bu barədə “CNN” məlumat yayıb.
Seismoloqlar zəlzələlərin dəqiq vaxtını əvvəlcədən təyin etməyin mümkün olmadığını bildirir. Yaponiya isə uzun illər güclü zəlzələlərə qarşı dayanıqlılıq göstərən ölkə kimi tanınır və böyük zəlzələ riski əhali tərəfindən gündəlik həyatda nəzərə alınır.
Lakin sosial mediada və batil inanclıların yaydığı qorxular “böyük zəlzələ” ehtimalının turistlərin səfər planlarını dəyişməsinə gətirib çıxarıb. Bu narahatlıqda ən çox payı isə ölkədə yayılan həmin manqa tutur. Turizm sektorunda bu hal gəlirlərə mənfi təsir göstərməyə başlayıb.
Nigar Rəhimova
16:15 19.05.2025
Oxunuş sayı: 642
