Xarici xəbərlər
Tramp: “Türkiyədəki toplantı önəmlidir, Ərdoğan isə əla ev sahibidir”
ABŞ Prezidenti Donald Tramp Rusiya və Ukrayna arasında İstanbulda keçiriləcək görüşə münasibət bildirib.
Crossmedia.az xəbər verir ki, Tramp ABŞ mediasına açıqlamasında danışıqları yüksək qiymətləndirib:
“İstanbulda Rusiya və Ukrayna arasında keçiriləcək görüş çox əhəmiyyətlidir. Düşünürəm ki, bu görüşdən yaxşı nəticələr əldə oluna bilər”, – deyə o, vurğulayıb.
Prezident, həmin gün Yaxın Şərqə planlaşdırılan səfərinə toxunaraq görüşə şəxsən qatılmaq ehtimalını da istisna etməyib:
“Yaxın Şərqdə baş tutacaq görüşün faydalı olacağını düşünsəm, İstanbula uça bilərəm. Türkiyədəki toplantı daha önəmlidir, prezident Ərdoğan isə əla ev sahibidir”.
Tramp açıqlamasında Suriya məsələsinə də toxunub. Onun sözlərinə görə, ABŞ administrasiyası bu ölkəyə qarşı tətbiq edilən sanksiyalarla bağlı qərar üzərində işləyir:
“Biz Ərdoğanla Suriya ilə bağlı bəzi məsələlər üzərində işləyirik, Xüsusilə sanksiyalarla bağlı qərar vermək lazımdır”, – deyə o, bildirib.Aybəniz Səfərova
19:25 12.05.2025
Oxunuş sayı: 909
