Paşinyan sabiq prezidentləri yenidən debat çağırışına səslədi: “Siz üçünüz, mən tək”
Ermənistanın Baş naziri Nikol Paşinyan sabiq prezidentlər Levon Ter-Petrosyan, Robert Koçaryan və Serj Sarkisyanı bir daha açıq debatda iştirak etməyə çağırıb.
Crossmedia.az xəbər verir ki, Paşinyan çıxışında Koçaryan və Sarkisyanı “siyasi əkizlər” adlandıraraq, bu şəxslərə dəfələrlə debat təklifi verdiyini xatırladıb. O bildirib ki, əvvəlki liderlər sadəlövh auditoriyalar qarşısında çıxışlar etmək əvəzinə, ictimai debatda iştirak etməlidirlər.
“Qarabağla bağlı danışıqlardan, müharibənin vaxtının uzadılması məsələsindən və istədiyiniz digər mövzulardan danışa bilərik. Nə qədər gizli şəkildə toplaşacaq və bəyanatlar verəcəksiniz? Yenə deyirəm – gəlin canlı efirdə debat keçirək. Siz üçünüz, mən tək”, – deyə Paşinyan vurğulayıb.
Hazırda tərəflərdən heç biri bu çağırışa rəsmi cavab verməyib.
Mədinə Cəlilova
21:57 07.05.2025
Oxunuş sayı: 1106
