Netanyahu “ikili oynayır” demişdi: Qətərdən İsrailə sərt reaksiya
Qətər xarici işlər Nazirliyinin sözçüsü Məcid əl-Ənsari, İsrail Baş naziri Benyamin Netanyahunun Qətər haqqında verdiyi açıqlamalara münasibət bildirib.
Qətər rəhbərliyi, Netanyahunun Doha hökumətinə yönəltdiyi fikirləri “təxrikedici, siyasi və mənəvi məsuliyyətdən uzaq” olaraq qiymətləndirib. Ənsari, “Qəzzaya qarşı davam edən hücumları sivilizasiya müdafiəsi kimi təqdim etmək, tarix boyunca günahsız mülki şəxslərə qarşı cinayətlər törədən rejimlərin istifadə etdiyi yalançı şüarları xatırladır”, – deyə bildirib.
Crossmedia.az İsrail Baş nazirliyinin “X” platformasındakı edilən iki paylaşımına istinadən xəbər verir ki, İsrailin Qəzzaya qarşı “ədalətli vasitələrlə ədalətli bir müharibə apardığı” iddia edilmiş və 7 oktyabr 2023-dən sonra Netanyahunun “sivilizasiya və barbarlıq arasında bir Qurtuluş Müharibəsi” verdiyini söyləməsinə istinad edilmişdi. Açıqlamada arabulucu ölkələr arasında yer alan Qətərə işarə edilərək, “Qətərin qeyri-müəyyən danışmağı və ikili oyun oynaması artıq sona çatmalıdır. Sivilizasiyanın, yoxsa HƏMAS barbarlığının tərəfində olduğuna qərar verməyin vaxtıdır. İsrail bu ədalətli savaşı ədalətli vasitələrlə qazanacaq” ifadələri yer almışdı.
Bu sözlərə cavab olaraq açıqlama verən Qətər Xarici İşlər Nazirliyinin sözçüsü Ənsari, 7 oktyabr 2023-dən bu yana davam edən Qəzza hücumları fonunda Qətərin “müharibəni dayandırmaq, mülki vətəndaşları qorumaq və əsirlərin azad edilməsini təmin etmək üçün aparılan arabuluculuq səylərinə dəstək verdiyini” vurğulayıb.
Ənsari, Qətərin prinsiplərə əsaslanan xarici siyasətinin onun səmimi və etibarlı vasitəçi roluna zidd olmadığını qeyd edərək, “İsrailli 138 əsirin hərbi əməliyyatla, yoxsa bu gün əsassız şəkildə tənqid olunan vasitəçilik səyləri iləmi xilas edildiyi” sualını ünvanlayıb.
O, Qəzzadakı fələstinlilərin yaxın tarixdə “ən dəhşətli fəlakətlərdən birini” yaşadıqlarını bildirərək, “Bəhs edilən sivilizasiya boğucu mühasirə, sistematik aclıq, dərman və sığınacaq imkanlarından məhrum etmə, humanitar yardımı isə təzyiq və siyasi şantaj vasitəsi kimi istifadə etməkdirmi?” sözləri ilə İsrailə sərt reaksiya göstərib.
Mədinə Cəlilova
15:53 04.05.2025
Oxunuş sayı: 587
