ABŞ İrana bağlı husilərə qarşı hücumlara davam edir
ABŞ Mərkəzi Komandanlığı (CENTCOM) Yəməndə fəaliyyət göstərən, İrana bağlı husilərə qarşı hərbi əməliyyatlarını davam etdirir.
Crossmedia.az CENTCOM-un məlumatına istinadən xəbər verir ki, “USS Truman” və “USS Carl Vinson” təyyarədaşıyıcı gəmiləri bölgədə 24 saat fasiləsiz fəaliyyət göstərir. Dünən qurum tərəfindən hər iki gəminin yeni görüntüləri yayımlanıb.
Açıqlamada bildirilir ki, əməliyyatlar əsasən Qırmızı dəniz və Ədən körfəzində husilərin təhlükəli fəaliyyətlərinə qarşı yönəlib. ABŞ tərəfi bu addımların regional təhlükəsizliyi qorumaq və ticarət gəmilərinə qarşı hücumların qarşısını almaq məqsədi daşıdığını bəyan edib.
CENTCOM əməliyyatların husilərin təhdidlərinə qarşı davam etdiriləcəyini bildirib.
Mədinə Cəlilova
20:35 03.05.2025
Oxunuş sayı: 879
