Rusiya: Zelenski dünya liderlərini açıq şəkildə hədələyib
Rusiya xarici işlər Nazirliyinin sözçüsü Mariya Zaxarova, Ukrayna Prezidenti Volodimir Zelenskiyin 9 Mayda Moskvada keçiriləcək Qələbə Günü tədbirlərində iştirak etməyi planlaşdıran dünya liderlərinə qarşı “açıq hədə” ifadə etdiyini bildirib.
Crossmedia.az Mariya Zaxarovanın sosial şəbəkə üzərindən yayımladığı açıqlamadaya istinadən xəbər verir ki, Zelenskiyin Qələbə Günü ilə bağlı verdiyi bəyanatın təsadüfi olmadığını vurğulayaraq, bunu “klassik beynəlxalq terror təhdidi” kimi qiymətləndirib.
Zaxarova, Ukrayna liderinin Rusiya Prezidenti Vladimir Putinin Qələbə Günü münasibətilə elan etdiyi atəşkəsi bu səbəbdən qəbul etmədiyini deyib: “Zelenskiy, 9 mayda Moskvaya gəlməyi planlaşdıran dünya liderlərini açıq şəkildə hədələyib”.
Ukrayna prezidentinin uzun müddətdir digər dövlət başçılarını hədəfə aldığını və bu barədə öncədən xəbərdar olduqlarını bildirən Zaxarova əlavə edib:
“Zelenskinin Mali və Nigerdə həyata keçirdiyi bir sıra əməliyyatlarla, xarici terror təcrübəsini digər qitələrə yaydığını unutmayaq. Ancaq bu dəfə daha da irəli gedərək, müqəddəs gündə parada gələcək veteranların fiziki təhlükəsizliyini belə təhdid edir. Rusiya ərazisində baş verən hər bir terror aktından sonra Kiyev rejimi, onun təhlükəsizlik strukturları və şəxsən Zelenski, bunun onların işi olduğunu və belə də davam edəcəyini fəxrlə etiraf edir”.
Mədinə Cəlilova
19:37 03.05.2025
Oxunuş sayı: 873
