Bu ölkələr atəşkəsə nəzarət etmək üçün Ukraynaya qoşun göndərməyə hazırdır
Fransa, Almaniya, Britaniya və digər Avropa ölkələri atəşkəsə nəzarət etmək üçün Ukraynaya qoşun göndərməyə hazırdır, - bunu Fransanın maliyyə naziri Erik Lombard bildirib.
Crossmedia.az bu barədə xarici mediaya istinadən xəbər verir.
"Ümumi razılıq var ki, atəşkəsin təmin edilməsi üçün Avropa qoşunlarının Ukraynada olması vacibdir. Böyük Britaniya, Almaniya və Fransa artıq buna hazırdır, lakin Avropa İttifaqının digər üzv ölkələri də bu prosesə töhfə verəcək," - deyə o bildirib.
"Həmin qoşunlar atəşkəs elan edildikdən sonra gələcək ki, onun qorunmasına zəmanət versin. Lakin əgər atəşkəsin qorunmasını istəyiriksə, ABŞ-nin dəstəyinə ehtiyacımız var və mən burda amerikalıların buna razılaşmasını nəzərdə tuturam".
13:49 26.02.2025
Oxunuş sayı: 3689
