HƏMAS və İsrail arasında razılaşma: məhbuslar və girov cəsədləri eyni vaxtda təhvil veriləcək
HƏMAS İsrailin fevralın 22-də azad etməli olduğu bir qrup fələstinli məhbusun sərbəst buraxılması ilə bağlı razılığın əldə olunduğunu açıqlayıb. Bu qərar tərəflər arasında aparılan danışıqların nəticəsidir.
Crossmedia.az xəbər verir ki, razılaşmaya əsasən, həmin gün israilli girovların cəsədləri də İsrail tərəfinə təhvil veriləcək.
Həmçinin Qahirədə aparılan danışıqlardan sonra HƏMAS bəyan edib ki, Fələstinli məhbusların azad edilməsində yaranan gecikmənin aradan qaldırılması üçün onların sərbəst buraxılması girov cəsədlərinin təhvil verilməsi ilə eyni vaxtda həyata keçiriləcək.
Bu razılaşma İsrail və HƏMAS arasında davam edən vasitəçilik səylərinin bir hissəsi kimi qiymətləndirilir. Lakin bölgədə gərginliyin tam azalması üçün daha genişmiqyaslı razılaşmalara ehtiyac olduğu bildirilir.
Fidan Xəlilova
10:10 26.02.2025
Oxunuş sayı: 3387
