NVIDIA videokartlarının qiymətlərini yenidən artıracaq
NVIDIA 2026-cı ilin əvvəlindən bəri videokartlarının qiymətlərini üçüncü dəfə artırmağa hazırlaşır.
Crossmedia.az xəbər verir ki, "Economic Daily" nəşrinin məlumatına görə, bu dəfə qrafik sürətləndiricilərinin qiyməti 20–30 faiz artacaq.
Məlumata əsasən, ilin əvvəlində videokartların qiyməti rəsmi olaraq 10–15 faiz artırılmış, may ayında isə yalnız flaqman GeForce RTX 5090 modelinə növbəti qiymət artımı tətbiq edilmişdi. Bu dəfə isə dəyişiklik GeForce seriyasının digər videokartlarını da əhatə edəcək.
Qiymət artımının əsas səbəbi DRAM, GDDR6 və GDDR7 yaddaş çiplərinin davamlı bahalaşması göstərilir. Bildirilir ki, hazırda 3 GB-lıq GDDR7 çipinin qiyməti 60–70 ABŞ dollarına çatıb. Müqayisə üçün, standart 2 GB-lıq çipin qiyməti təxminən 20 ABŞ dolları təşkil edir.
07:40 01.08.2026
Oxunuş sayı: 79
