İran rəsmisi: Kritik gecədən sonra da sülh danışıqlarına hazırıq
Gecə ərzində baş verən intensiv hərbi eskalasiyaya baxmayaraq, Tehran sülh danışıqlarını davam etdirməyə ehtiyatla hazırdır.
Crossmedia.az xəbər verir ki, bunu İranın xarici işlər nazirinin müavini Səid Xətibzadə deyib.
İran rəsmisinin sözlərinə görə, Pakistanın vasitəçiliyi ilə aparılan diplomatik təmaslar vəziyyətin qismən sabitləşməsinə kömək edib.
O, İsraili cilovlamaq məsuliyyətinin ABŞ-nin üzərində olduğunu vurğulayıb.
Xətibzadə eyni zamanda yüksək səviyyəli danışıqlar planlarının qüvvədə qaldığını açıqlayıb və yaxın zamanda Pakistanda görüşün mümkünlüyünü istisna etməyib.
Xətibzadə ABŞ-nin də eyni istiqamətdə işlədiyini bildirib və Yaxın Şərqdə uzunmüddətli sülhün əldə olunmasının vacibliyini vurğulayıb.
O, Livanın mümkün sülh razılaşmasına daxil edilməsinin yalnız İranın tələbi olmadığını deyərək, bunu beynəlxalq məsuliyyət kimi təqdim edib.
19:57 09.04.2026
Oxunuş sayı: 46
