Budanov: Rusiya neft terminallarına edilən zərbələr sülh danışıqlarına təsir göstərir
Rusiya neft terminallarına edilən zərbələr sülh danışıqlarına təsir göstərir. Ukrayna, çox güman ki, növbəti danışıqlarda ruslardan "çoxlu yeni şeylər" eşidəcək.
Crossmedia.az Ukrinform-a istinadən xəbər verir ki, bunu Ukrayna Prezident Aparatının rəhbəri Kirill Budanov deyib.
O, bildirib ki, Ukraynanın Rusiyanın neft terminallarına zərbələrinin nəticələri göz önündədir.
Budanovun sözlərinə görə, bu zərbələr nəticəsində Rusiyanın mövqeyinin dəyişib-dəyişməməsi müzakirə mövzusudur: "Düşünürəm ki, onlarla növbəti danışıqlarımızda bir çox yeni şeylər eşidəcəyik. Hər halda, bu, mövqeyimizi əhəmiyyətli dərəcədə gücləndirir və necə deyərlər, zəiflətmir. Qalib mövqeyimizi möhkəmləndirmək üçün hər şeyi etməliyik. Və bu məqsədə çatmaq üçün istənilən vasitə haqlı və düzgündür", - deyə Budanov vurğulayıb.
22:11 09.04.2026
Oxunuş sayı: 46
