İsrail Beyrutda “Hizbullah”ın yüksək rütbəli komandirlərini məhv etdi
İsrail Müdafiə Ordusu (SAXAL) Beyrutda həyata keçirdiyi xüsusi əməliyyat nəticəsində “Hizbullah”ın mühüm bölmələrindən birinin rəhbərliyini zərərsizləşdirib.
Bu barədə crossmedia.az xarici KİV-ə istinadən xəbər verir. SAXAL-ın mətbuat xidmətinin məlumatına görə, hücum zamanı “1800-cü bölmə”nin komandir müavini Həmzə İbrahim Rahin və həmin bölmənin əməliyyat rəhbəri öldürülüb. Qeyd olunan bölmə “Hizbullah” ilə Livan, Qəzza, Suriya və İordan çayının qərb sahilindəki fələstinli qruplaşmalar arasında koordinasiyaya məsul idi.
Məlumata əsasən, Rahin həmçinin fələstinli döyüşçülərin Cənubi Livandakı hərbi əməliyyatlara cəlb edilməsi və köçürülməsi prosesinə birbaşa rəhbərlik edirdi. Eyni gündə Beyrut və Cənubi Livanda təşkil edilən digər hava zərbələri ilə “Hizbullah”ın bir neçə komanda məntəqəsi də darmadağın edilib. İsrail tərəfi İranın himayəsi altında fəaliyyət göstərən bu təşkilata qarşı qətiyyətli addımların davam etdiriləcəyini və vətəndaşlarının təhlükəsizliyini qoruyacağını bəyan edib.
12:13 31.03.2026
Oxunuş sayı: 43
