Qadın ərini POLİSƏ VERDİ: SƏBƏBİ İSƏ BU İMİŞ
Bakının Nizami rayonunda ər-arvad arasında yaşanan mübahisə cinayətlə nəticələnib.
Crossmedia.az xəbər verir ki, hadisə onların birgə yaşadıqları mənzildə baş verib. Bakı şəhər sakini, 2002-ci il təvəllüdlü Nurəddin qeyri-rəsmi nikah münasibətində olmaqla birgə yaşadığı Səlimə (adlar şərtidir – red.) ilə mübahisə edib. O, Səlimə ilə şəxsi münasibətlərin pozulması zəminində aralarında baş vermiş mübahisə zamanı onu təhqir etməsi səbəbindən qəsdən əli ilə sifətindən şillə vurub.
Nurəddinin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
İş üzrə ifadə verən Nurəddin ona elan olunmuş ittiham üzrə özünü təqsirli bilib. O, şəxsi münasibətlərin pozulması zamanı cinayət hadisəsinin baş verdiyini etiraf edib. Bildirib ki, Səlimə ilə barışıb.
Zərərçəkmiş Səlimə də təqsirləndirilən şəxslə barışıb, ona qarşı şikayətini geri götürüb. Onlar barışması ilə bağlı məhkəməyə sənəd təqdim ediblər.
Nizami Rayon Məhkəməsinin hökmü ilə Nurəddin cinayət məsuliyyətindən azad edilib. Onun barəsində olan cinayət işi üzrə icraata xitam verilib. (Demokrat.az)
19:34 20.02.2026
Oxunuş sayı: 652
