34 il əvvəl itkin düşmüş gənc hərbçi qızın qalıqları tapıldı – Şəhid Mehriban Qarayeva kimdir?
Açıqlanan siyahıda bir gənc qadının adı da var.
Crossmedia.az xəbər verir ki, Mehriban Qarayeva 27 mart 1970-ci ildə Sumqayıt şəhərində anadan olub və 2-ci mikrorayonda yaşayıb. O, Sumqayıt şəhər 3 saylı məktəbdə 8-ci sinfə qədər oxuyub, daha sonra isə 35 nömrəli peşə məktəbinə daxil olub. 1992-ci ildə könüllü olaraq hərbi xidmətə yollanıb. Subay idi. 9 iyul 1992-ci il tarixində Ağdamın Sırxavənd kəndində itkin düşüb.
Mehriban Qarayevanın qalıqları 2025-ci ildə aparılan DNK analizi nəticəsində Ağdərə rayonundakı kütləvi məzarlıqdan tapılıb.
Atası Arif Qarayev 17 aprel 2001-ci ildə vəfat edib və Sumqayıt qəbristanlığında dəfn olunub. Anası Havabəyim Hüseynova isə 5 noyabr 1985-ci ildə vəfat edib və Şamaxının Ərəbqədim kəndində dəfn olunub.
İtkin-şəhid Mehriban Qarayevanın 3 bacısı, 4 qardaşı olub.
Xanım şəhidin dəfn mərasimi 20 fevral 2026-cı il, saat 11:00-da Sumqayıt şəhəri, Şəhidlər xiyabanında keçiriləcək.
Allah rəhmət eləsin!
16:08 19.02.2026
Oxunuş sayı: 930
