İran: İctimai asayişi pozanlara qarşı ən sərt tədbirlər görüləcək
İranın Tehrandakı dövlət və inqilab prokuroru Əli Salehi ictimai əmlakın yandırılması, dağıdılması və təhlükəsizlik qüvvələri ilə silahlı toqquşmalarda iştirak edən şəxslərə qarşı heç bir güzəşt edilməyəcəyini bildirib.
Crossmedia.az xəbər verir ki, bu barədə Iran International məlumat yayıb.
Salehinin sözlərinə görə, bu cür əməllərdə ittiham olunan şəxslərə dövlətə qarşı müharibə aparmaq maddəsi ilə ittiham irəli sürüləcək.
İran qanunvericiliyinə əsasən, bu cinayətə görə ölüm cəzası nəzərdə tutulur.
“Bizim cavabımız çəkindirici olacaq, onların hərəkətləri isə qanunsuzdur”, – deyə prokuror vurğulayıb.
Fatimə Məmmədova
10:37 10.01.2026
Oxunuş sayı: 1622
