Xarici xəbərlər

Türkiyə və İrandan terrorçu kürdlərə ağır zərbə vuruldu

Türkiyə prezidenti Rəcəb Tayyib Ərdoğan ABŞ və İsrail tərəfindən dəstəkləndiyi iddia olunan terrorçu kürd silahlı qruplarının İran ərazisinə sızmasının qarşısının alınmasında Tehrana kömək edib.

Crossmedia.az bu barədə xarici mənbələrə istinadən xəbər verir.

Mənbələrin məlumatına görə, Türkiyə tərəfi terrorçuların hərəkəti ilə bağlı kəşfiyyat məlumatlarını İranla bölüşüb. Bunun ardından “İslam İnqilabı Keşikçiləri Korpusu” (SEPAH) İlam və Kermanşah vilayətlərində əməliyyat keçirərək PJAK qruplaşmasının çoxsaylı üzvlərini zərərsizləşdirib.

Bildirilib ki, Türkiyə Milli Kəşfiyyat Təşkilatı (MİT) terrorçuların İraq ərazisindən keçid marşrutunu izləyib və Tehranla məlumat mübadiləsini koordinasiya edib. Nəticədə mümkün diversiya cəhdinin qarşısı vaxtında alınıb.

Nəzrin Abbas

🖨 Çap et

09:42 10.01.2026

Oxunuş sayı: 1828