Bakı-İrəvan xətti Gürcüstanın tranzit mövqeyini zəiflədə bilər
Gürcüstan Azərbaycanla Ermənistan arasında birbaşa dəmir yolu əlaqəsinin işə düşməsi halında Ermənistana yönələn 1,5-2 milyon ton tranzit yük axınını itirə bilər. Bu barədə Gürcüstanın Nəqliyyat Dəhlizlərinin Tədqiqatı Mərkəzinin direktoru açıqlama verib.
Crossmedia.az Paata-a istinadən xəbər verir. Direktor Azərbaycanın neft məhsullarının Ermənistana birbaşa tədarükü ilə bağlı mümkün planlara toxunub. Bildirib ki, dekabrın 5-də Gürcüstan hakimiyyətinə yanacağın birdəfəlik tranziti ilə bağlı sorğu daxil olub və baş nazir İrakli Kobaxidzenin tapşırığı ilə bu tranzitin ödənişsiz həyata keçirilməsinə qərar verilib.
Bildirilib ki, bu cür qərarlar yalnız istisna xarakter daşımalıdır. “Gələcəkdə tarif məsələləri sistemli şəkildə tənzimlənməlidir”, - deyə o qeyd edib.
Bir sözlə, yollar dəyişsə, oyun da dəyişir. Tbilisi isə bu oyunda mövqeyini itirməmək üçün hesabı diqqətlə aparmaq niyyətindədir. (minval)
Sevinc Yarməmmədova
14:48 16.12.2025
Oxunuş sayı: 1025
