Rusiya dörd saat ərzində 56 Ukrayna dronunu vurub
Rusiya hava hücumundan müdafiə qüvvələri dörd saat ərzində Rusiya bölgələri üzərində Ukrayna Silahlı Qüvvələrinə məxsus 56 pilotsuz uçuş aparatını (PUA) vurub.
Crossmedia.az “İzvestiya”-ya istinadən xəbər verir ki, dronlar Moskva vaxtı ilə saat 16:00-dan 20:00-a qədər növbətçi hava hücumundan müdafiə sistemləri tərəfindən məhv edilib.
Ən çox dron - 24 - Belqorod vilayəti üzərində vurulub. Daha 17 dron Bryansk vilayəti, beş dron Tula vilayəti, üç dron Kursk vilayəti, hər birində iki dron Kaluqa, Ryazan və Moskva vilayətlərində, bir dron isə Voronej vilayəti üzərində məhv edilib.
Bryansk vilayətinin qubernatoru Aleksandr Boqomaz bildirib ki, Ukrayna dronlarının bölgədəki bir kəndə hücumu nəticəsində yerli sakin ölüb. Belqorod vilayətində isə Volokonovski rayonunun Yekaterinovka kəndindəki fərdi evə dron hücumu zamanı beş yaşlı qız başından, qollarından və ayaqlarından çoxsaylı qəlpə yaraları alıb.
Türkan Kərimli
22:20 14.12.2025
Oxunuş sayı: 1669
