Professor: Azərbaycan jurnalistləri Heydər Əliyev məktəbini davam etdirən nəsil olaraq fəaliyyət göstərirlər
Ulu öndər Heydər Əliyev Azərbaycan mətbuatının inkişafında tarixi rol oynamış, jurnalistikanın azad və peşəkar fəaliyyət göstərməsi üçün mühüm islahatlar həyata keçirmişdir. O, mətbuat azadlığını yalnız söz və fikir azadlığı kimi yox, eyni zamanda milli dövlətçiliyin möhkəmlənməsinin əsas amili kimi qiymətləndirmişdir. Heydər Əliyevin təşəbbüsləri nəticəsində jurnalistlər geniş imkanlara malik olmuş, Azərbaycan mətbuatı Sovet dövrünün məhdudiyyətlərindən çıxaraq müstəqil fəaliyyətə başlamışdır. Onun rəhbərliyi altında yaradılan prinsip və qanunlar jurnalistikanın peşəkar məktəbini formalaşdırmış və bu məktəb bu gün də Prezident İlham Əliyev tərəfindən uğurla davam etdirilir.
Ulu öndər Heydər Əliyev Azərbaycan mətbuatının inkişafında tarixi rol oynamış, jurnalistikanın azad və peşəkar fəaliyyət göstərməsi üçün mühüm islahatlar həyata keçirmişdir. O, mətbuat azadlığını yalnız söz və fikir azadlığı kimi yox, eyni zamanda milli dövlətçiliyin möhkəmlənməsinin əsas amili kimi qiymətləndirmişdir. Heydər Əliyevin təşəbbüsləri nəticəsində jurnalistlər geniş imkanlara malik olmuş, Azərbaycan mətbuatı Sovet dövrünün məhdudiyyətlərindən çıxaraq müstəqil fəaliyyətə başlamışdır. Onun rəhbərliyi altında yaradılan prinsip və qanunlar jurnalistikanın peşəkar məktəbini formalaşdırmış və bu məktəb bu gün də Prezident İlham Əliyev tərəfindən uğurla davam etdirilir.
Heydər Əliyevin anım günündə onun mətbuata diqqət və qayğısı barədə BDU-nun Jurnalistika fakültəsinin Milli Mətbuat tarixi kafedrasınln müdiri, professor Cahangir Məmmədli Crossmedia.az-a danışıb: “Ulu öndər Heydər Əliyev jurnalistlərə böyük hörmət göstərmiş və onların qayğısına qalmışdır. O, milli mətbuatın azadlığı uğrunda əhəmiyyətli işlər görmüşdür. Heydər Əliyev digər bütün sahələr kimi media və jurnalistikaya da diqqət göstərmişdir. 1969-cu ildə hakimiyyətə gələn Ulu Öndər Sovet hökuməti dövründə də Azərbaycan jurnalistlərini azad fikirli olmağa dəvət etmişdir. 1976-cı ildə Azərbaycan Sovet Sosialist Respublikasının konstitusiyası hazırlanarkən böyük çətinliklə Azərbaycan dilini dövlət dili elan etmişdir. Ulu öndər yenidən hakimiyyətə qayıtdıqda Milli Məclis ilk olaraq mətbuat və kütləvi informasiya vasitələri haqqında qanun qəbul etmişdir. AXC və Müsavat cütlüyü isə azad fikirlərə imkan yaratmamış, bəhanə edərək Ermənistanla müharibəni əsas gətirmiş və mətbuata ciddi senzura tətbiq etmişdir. Heydər Əliyev yenidən hakimiyyətə gələn kimi demişdir: “Müstəqil mətbuat olmadan müstəqil dövlət yaratmaq mümkün deyil”. O, 1995-ci ildə yeni konstitusiyanı hazırlayarkən senzuranı ləğv etmişdir. 1998-ci ildə isə ayrıca sərəncam imzalayaraq mətbuat azadlığına dair qalıq senzuraları aradan qaldırmışdır”.
Professor qeyd edib ki, Ulu öndər Azərbaycan jurnalistlərinə böyük imkanlar yaratmış, onların inkişafına dəstək göstərmişdir: “O, jurnalistlərin “dostu mükafatı”nı alan zaman demişdir ki, jurnalistlər dövlətçilik prinsipini qoruyur və milli-mənəvi dəyərlərə önəm verirlər. Eyni zamanda sensasiyaya uyulmamasına, faktlara söykənməsinə diqqət yetirilməli olduğunu vurğulamışdır. Heydər Əliyev Azərbaycanda jurnalistikanın tam azadlığını təmin etmiş və jurnalistika sahəsində ciddi bir məktəb yaratmışdır. Bu məktəbin davamçısı Prezident İlham Əliyev olmuşdur. Prezident İlham Əliyev jurnalistlərə xüsusi diqqət göstərmiş, 44 günlük müharibə dövründə jurnalistlər onun ətrafında birləşmiş və hətta həyatlarını təhlükəyə atmağa hazır olduqlarını göstərmişdir. Azərbaycan mətbuatı hazırda keçmiş Sovet respublikaları arasında və Avropa ölkələri ilə müqayisədə ciddi qanunlarla tənzimlənir. Yeni media qanunu jurnalistlərə geniş azadlıq vermişdir. Azərbaycan jurnalistləri isə bu azadlığı vətəndaşlıq borcu ilə paralel həyata keçirirlər. Onlar əvvəlcə vətəndaş, sonra isə jurnalistdirlər. Beləliklə, Azərbaycan jurnalistləri Heydər Əliyev məktəbini davam etdirən, onun nəsihətlərini izləyən bir nəsil olaraq fəaliyyət göstərirlər”.
Zeynəb Xuduyeva
10:06 12.12.2025
Oxunuş sayı: 1303
