Türkiyə–Ermənistan sərhədi altı aya açıla bilər
Türkiyə yaxın altı ay ərzində Ermənistanla quru sərhədini açmaq imkanını nəzərdən keçirir. Bu addım Avropada “soyuq müharibə dövründən qalan son bağlı sərhəd”in açılması olacaq və Cənubi Qafqazda ticarətin canlanmasına şərait yaradacaq.
Crossmedia.az Bloomberg-ə istinadən xəbər verir. Azərbaycanın irəli sürdüyü şərtlər üzrə əldə olunacaq diplomatik irəliləyiş və Türkiyə ilə sərhədin açılması Ermənistanın baş naziri Nikol Paşinyana 2026-cı ilin iyununda keçiriləcək parlament seçkiləri ərəfəsində ciddi siyasi üstünlük qazandıra bilər.
Şərhçilərin sözlərinə görə, Paşinyan seçkilərdə qələbə qazandığı təqdirdə, Azərbaycan Prezidenti İlham Əliyevlə sülh sazişinin imzalanması mümkün olacaq.
Yalnız bundan sonra Ankara Ermənistanla diplomatik münasibətlərin bərpası üçün ölkəyə səfir təyin etməyi nəzərdən keçirə bilər.
Sevinc Yarməmmədova
16:15 03.12.2025
Oxunuş sayı: 811
