Ukrayna parlamentində Timoşenkonun Ali Radanın rəhbəri seçilməsi ehtimalı müzakirə olunur
Ukrayna Ali Radasında Xalqın Xidmətçisi partiyasının çoxluğu itirməsi və Prezident Vladimir Zelenskinin istefa verməsi halında Yuliya Timoşenkonun parlamentin yeni rəhbəri seçilməsi variantı gündəmdədir.
Crossmedia.az xarici KİV-ə istinadən xəbər verir ki, bu ssenari reallaşarsa, Ukrayna ilə Rusiya arasında mümkün anlaşmanı Timoşenkonun imzalaya biləcəyi ehtimal olunur. Xatırladaq ki, Timoşenko baş nazir olduğu dövrdə “Qazprom”la bağlanan qanunsuz qaz razılaşmasına görə həbs edilmişdi.
Məlumata görə, bu müzakirələr Ukraynada yaranmış mürəkkəb siyasi vəziyyət və hakim komandanın mövqelərinin zəifləməsi fonunda aparılır. Analitiklər hesab edir ki, Timoşenkonun siyasi təcrübəsi və uzun illər parlamentdəki fəaliyyəti onu potensial alternativ fiqur kimi önə çıxarır.
Ukraynanın gələcək siyasi kursu ilə bağlı qəti qərarların isə yaxın dövrdə verilməsi gözlənilir.
23:20 30.11.2025
Oxunuş sayı: 1187
