Zelenskiy: Oksana Markarova Ukraynanın bərpası və investisiyalar üzrə mənim müşavirim olacaq
Ukrayna Prezidenti Vladimir Zelenskiy ABŞ-dəki keçmiş səfir Oksana Markarovanı Ukraynanın bərpası və investisiyalar üzrə öz müşaviri təyin edib.
Crossmedia.az xarici KİV-ə istinadən xəbər verir ki, dövlət başçısı bu barədə Telegram kanalında məlumat yayıb. Onun sözlərinə görə, Markarova bu gündən etibarən ölkənin bərpası, iqtisadi canlanma və investisiya cəlbi istiqamətində prezidentə dəstək göstərəcək.
Zelenskiy bildirib ki, Ukraynanın əsas hədəfi yalnız müdafiə qabiliyyətini gücləndirmək və lazımi silah-sursatla təmin olunmaq deyil, həm də savaş başa çatdıqdan sonra ölkənin tam şəkildə yenidən qurulmasını təmin etməkdir. Prezident vurğulayıb ki, uzunmüddətli məqsəd Ukraynanın normal iqtisadi inkişafını bərpa etmək və investisiyalar üçün əlverişli mühit yaratmaqdır.
Dövlət başçısı əlavə edib ki, Markarovanın təcrübəsi ölkənin həm beynəlxalq tərəfdaşlarla işləməsində, həm də bərpa layihələrinin icrasında mühüm rol oynayacaq.
Türkan Kərimli
22:40 30.11.2025
Oxunuş sayı: 1357
