Finlandiya və Böyük Britaniya Rusiya sərhədi yaxınlığında birgə hərbi təlimlərə başlayıb
Finlandiya Rusiyaya yaxın ərazidə Böyük Britaniya ilə birgə hərbi təlimlərə start verib. “Yle” informasiya agentliyinin məlumatına görə, “Northern Axe 25” adlı təlimlər Kareliya ilə sərhəddə yerləşən Kainuu əyalətinin Kuhmo şəhəri yaxınlığında keçirilir.
Crossmedia.az xarici KİV-ə istinadən xəbər verir ki, təlimlərdə əsasən ehtiyatda olan hərbçilərdən ibarət təxminən 3000 əsgər, eləcə də döyüş tankları, helikopterlər və dronlar daxil olmaqla 600-dən çox hərbi texnika iştirak edir.
Məlumata görə, təlimlərin məqsədi çətin şimal şəraitində müdafiə və çəkindirmə əməliyyatları ilə yanaşı, hücum manevrlərini də sınaqdan keçirməkdir. Təlimlər 29 noyabrda başlayıb və 5 dekabradək davam edəcək.
Rəsmi qurumlar hərbi hazırlıq fəaliyyətlərinin regional təhlükəsizliyi möhkəmləndirməyə yönəldiyini bildirirlər.
15:25 30.11.2025
Oxunuş sayı: 1791
