Xristian liderlər çağırış etdilər
Türkiyəyə apostol səfərinin üçüncü günündə Roma Papası XIV Lev və İstanbuldakı Fənər Rum Patriarxlığının başçısı, Ümumdünya Patriarxı Varfolomey görüş keçiriblər. Tərəflər Katolik və Pravoslav kilsələri arasında "tam kilsə birliyinin" bərpasına hazırlığı ifadə edən birgə Bəyannamə imzalayıblar.
Crossmedia.az xarici mediaya istinadən xəbər verir ki, sənəddə dinin və Allah adının hər hansı zorakılığı əsaslandırmaq üçün istifadəsi qəti şəkildə rədd edilir. Bəyannamə həmçinin 1700 il əvvəl keçirilmiş I Ümumdünya Nikeya Şurasının ildönümünə həsr olunaraq dünyaya sülh, barışıq və kilsələr arasında birliyin yenilənmiş mesajının təqdim edilməsinə çağırır.
Papanın İstanbulda Ümumdünya Patriarxlığının kafedral kilsəsinə səfəri çərçivəsində qəbul edilmiş sənəddə xristian birliyinin məqsədinin xalqlar arasında sülhə fundamental töhfə vermək olduğu vurğulanır. Kilsə liderləri həmçinin siyasi və dövlət məsuliyyəti daşıyan şəxslərə müraciət edərək müharibələrin dərhal dayandırılması üçün mümkün olan bütün addımların atılmasına çağırıblar.
Nigar Yahyazadə
20:04 30.11.2025
Oxunuş sayı: 1108
