NYP: ABŞ-yə gələn minlərlə əfqan milli təhlükəsizlik üçün risk yaradır
2021-ci ildə ABŞ qoşunlarının Əfqanıstandan çıxmasından sonra ölkəyə gətirilən əfqanların 5000-dən çoxu ABŞ milli təhlükəsizliyi üçün potensial risk kimi qiymətləndirilib.
Crossmedia.az xəbər verir ki, bu barədə The New York Post nəşri Vətən Təhlükəsizliyi Departamentinə istinadla yazıb. Ümumilikdə 6868 nəfərin profili narahatlıq doğurub: onların 5005-i milli təhlükəsizlik, 956-sı ictimai təhlükəsizlik, 876-sı isə fırıldaqçılıq riskləri ilə əlaqələndirilib.
ABŞ hüquq-mühafizə orqanları şübhələrin çoxunu sonradan aradan qaldırsa da, sentyabr ayına olan məlumata görə 885 nəfər hələ də potensial təhlükə sayılır.
Nəşr xatırladır ki, Amerika qoşunlarının çıxarılması zamanı təxliyə proqramı ilə 70 mindən çox əfqan ölkəyə gətirilib. FTB bildirir ki, təxliyənin təcili həyata keçirilməsi standart təhlükəsizlik yoxlamalarının tam tətbiqinə imkan verməyib.
21:21 30.11.2025
Oxunuş sayı: 1267
