Türkiyə və Ermənistan iqtisadi əməkdaşlıq imkanlarını müzakirə edib
Ermənistanın iqtisadiyyat naziri Gevorq Papoyan və Türkiyənin kənd təsərrüfatı və meşə təsərrüfatı naziri İbrahim Yumaklı İstanbulda keçirilən görüşdə iki ölkə arasında yeni iqtisadi, logistika və ticarət imkanlarını müzakirə ediblər.
Crossmedia.az xarici mediaya istinadən xəbər verir ki. Görüşdə “TRIPP - Tramp Marşrutu” layihəsi çərçivəsində əməkdaşlıq perspektivləri, eləcə də Karss-Gümrü dəmir yolu xəttinin bərpası məsələsi diqqət mərkəzində olub.
Tərəflər bazarların şaxələndirilməsi, yeni logistika marşrutlarının formalaşdırılması və qarşılıqlı iqtisadi maraqların genişləndirilməsi ilə bağlı da fikir mübadiləsi aparıblar.
Nazirlər iki ölkə arasında müntəzəm dialoqun əhəmiyyətini vurğulayaraq əlaqələrin davam etdirilməsinə hazır olduqlarını bildiriblər.
Sevinc Yarməmmədova
18:38 29.11.2025
Oxunuş sayı: 943
