Çeçenistanda Azərbaycandan gətirilən 73 ton meyvədə zərərverici aşkarlanmayıb
Çeçenistan Gömrük Postunda 17–21 noyabr 2025-ci il tarixlərində Rosselxoznadzorun Qafqaz üzrə Ərazi İdarəsi tərəfindən Azərbaycandan idxal olunan 73 ton təzə meyvə – 38 ton xurma, 19 ton alma və 16 ton armud – fitosanitar yoxlamadan keçirilib.
Crossmedia.az xarici mətbuata istinadən xəbər verir ki, məhsullar ixracatçı ölkələr tərəfindən verilmiş fitosanitar sertifikatlarla daxil olub. Kabardino-Balkariyadakı FGKU “ÇOK APK” filialında aparılan laboratoriya analizlərinin nəticələrinə əsasən, meyvələrin Rusiya Federasiyasının fitosanitar tələblərinə uyğun olduğu müəyyən edilib.
Nəticə olaraq, idxal məhsullarına dair altı karantin fitosanitar nəzarət aktı tərtib edilib.
Pərvin Hacıyeva
16:40 29.11.2025
Oxunuş sayı: 870
