Qara dənizdə gərginlik: KAIROS yanır, VİRAT isə pilotsuz vasitələrin hədəfində
Türkiyənin Nəqliyyat və İnfrastruktur Nazirliyi Misirdən Rusiyaya gedərkən alovlanan KAIROS tankeri və Qara dəniz sahillərində pilotsuz dəniz vasitələrinin (UMV) hədəfə aldığı VİRAT gəmisi ilə bağlı son vəziyyətlə bağlı açıqlama yayıb.
Crossmedia.az NTV-yə istinadən xəbər verir ki, açıqlamaya görə təxliyyədən sonra “KURTARMA-12” yedək gəmisi və “NENE HATUN” xilasetmə gəmisi gecə boyu gəmidəki yanğınla mübarizə aparıb. Açıq göyərtədə yanğın qeydə alınmayıb və qapalı məkanlarda yanğının söndürülməsi və soyutma işləri davam etdirilir. Yanğın tam söndürüldükdən sonra araşdırma aparmaq üçün ərazidə ekoloqlar və dalğıc qrupu növbətçilik edir.
Nazirliyin bəyanatında həmçinin Qara dənizdə təxminən 35 mil dənizdə yerləşən VIRAT gəmisinə hücum cəhdi barədə məlumat verilib.
Daha əvvəl hücuma məruz qalan gəmiyə bu səhər pilotsuz dəniz vasitələri ilə yenidən hücum edildiyi bildirilir.
Bəyanatda gəminin hücumdan sonra sancaq su xəttinə kiçik ziyan dəydiyi qeyd edilib:
"Gəmidə yanğın xəbəri yoxdur və ekipajın vəziyyəti yaxşıdır. Xilasetmə ilə bağlı müraciət daxil olmadığı üçün xilasetmə qrupları təhlükəsizlik baxımından gəmidən uzaqda gözləyirlər. Gəminin stabil olduğu bildirilir".
14:40 29.11.2025
Oxunuş sayı: 1006
