Zelenski: Rusiya mülki obyektlərə 36 raket və 600-ə yaxın dronla zərbə endirib
Ukrayna Prezidenti Volodimir Zelenski bildirib ki, Rusiya son hücumlarda mülki infrastrukturun müxtəlif istiqamətlərinə təxminən 36 raket və 600-ə yaxın pilotsuz uçuş aparatı ilə zərbə endirib.
Crossmedia.az xarici KİV-ə istinadən xəbər verir. Onun sözlərinə görə, hücumların əsas hədəfi enerji infrastrukturu və digər mülki obyektlər olub. Zərbələr nəticəsində yaşayış binaları zədələnib, bir neçə yerdə yanğınlar qeydə alınıb.
Zelenski qeyd edib ki, ilkin məlumata görə, hücumlar nəticəsində onlarla insan yaralanıb, azı üç nəfər isə həyatını itirib. Prezident bildirib ki, Ukrayna əhalisinin təhlükəsizliyini təmin etmək və infrastrukturu bərpa etmək üçün bütün zəruri tədbirlər görülür.
Türkan Kərimli
16:00 29.11.2025
Oxunuş sayı: 1284
