Yermak istefadan sonra cəbhəyə gedəcəyini açıqladı
Ukrayna Prezident Administrasiyasının rəhbəri Andriy Yermak korrupsiya qalmaqalı və evində NABU tərəfindən aparılan axtarışlardan sonra cəbhəyə yollanacağını bildirib.
Crossmedia.az New York Post-a istinadən xəbər verir. Yermak açıqlamasında istefanın məqsədinin Prezident Vladimir Zelenskini çətin vəziyyətdə qoymamaq olduğunu deyib:
“Cəbhəyə gedirəm və hər cür təzyiqə hazıram. Məni biabır etdilər və ləyaqətim qorunmadı. Zelenski üçün problem yaratmaq istəmirəm”.
Keçmiş rəsmiyə qarşı enerji sektorunda korrupsiya ilə bağlı “Midas” işi çərçivəsində araşdırma aparılır. Yermak hansı bölmədə xidmət edəcəyini açıqlamayıb və bəyanatından sonra əlaqə saxlamayıb.
Yermakın istefası fonunda Prezident Zelenski ABŞ-da keçiriləcək danışıqlara hazırlıq məqsədilə nümayəndə heyətinin tərkibini yeniləyib. Ukrayna nümayəndə heyətinə Baş Qərargah rəisi Andriy Qnatov rəhbərlik edəcək. Danışıqlarda Trampın xüsusi emissarı Stiv Uitkoff və Cared Kuşnerlə “sülh planı” müzakirə olunacaq.
Sevinc Yarməmmədova
14:53 29.11.2025
Oxunuş sayı: 890
