Qara dənizdə iki Rusiya tankerində partlayış baş verib
Rusiya kölgə donanmasına məxsus iki tanker Qara dənizdə partlayıb.
Crossmedia.az bu barədə Reuters-ə istinadən xəbər verir.
Məlumata görə, AB və Böyük Britaniyanın sanksiyalarına məruz qalan Kairos neft tankerində Bosfor boğazının şimal girişi yaxınlığında partlayış baş verib və gəmidə yanğın başlayıb. Təxliyə əməliyyatları nəticəsində 25 nəfər heyət üzvünün təhlükəsizliyinin təmin olunmasına çalışılır.
Türkiyə Dəniz Administrasiyası partlayışın səbəbini "xarici təsir" olaraq qiymətləndirib.
Kölgə donanmasına məxsus digər tanker Virat da Qara dənizdə ayrı bir partlayışa məruz qalıb. Hər iki gəmi Rusiya neftini daşıyırdı.
Qeyd edək ki, son yayılan səs yazıları göstərir ki, partlayışlara səbəb dron hücumları olub.
Nəzrin Abbas
12:52 29.11.2025
Oxunuş sayı: 851
