Xarici xəbərlər

Donald Tusk: Yermakın istefası və Orbanın Putinlə görüşü “fatalist kombinasiya”dır

Polşanın baş naziri Donald Tusk Ukraynada yaşanan son siyasi prosesləri narahatlıq doğuran “fatalist kombinasiya” kimi qiymətləndirib.

Crossmedia.az xarici KİV-ə istinadən xəbər verir ki, Tusk sosial şəbəkədəki açıqlamasında Macarıstan baş naziri Viktor Orbanın Vladimir Putinlə görüşü, Polşa rəsmisi Navrotskinin Orbanla təması və eyni zamanda Kiyevdə Yermakın istefası fonunda yaranan vəziyyətin təhlükəli olduğunu bildirib.

Onun sözlərinə görə, bütün bu proseslərin eyni vaxta təsadüf etməsi Ukrayna ilə bağlı danışıqlarda xaos yaradır və Kiyevdə siyasi qeyri-stabil situasiyanı daha da dərinləşdirir. “Orban Putini ziyarət edir, Navrotski – Orbanı. Uitkoff planı üzrə danışıqlarda xaos və Kiyevdə siyasi böhran. Fatalist kombinasiya”, – deyə Tusk vurğulayıb.

Polşa baş naziri əlavə edib ki, regionda baş verən bu proseslər Ukraynanın mövqeyini zəiflədə və müharibənin gedişatına mənfi təsir göstərə bilər.

Türkan Kərimli

🖨 Çap et

13:25 29.11.2025

Oxunuş sayı: 1163