Xarici xəbərlər

Livan ordusu Hizbullahın keçmiş mövqelərinə daxil olub

Dünən Livan ordusu İsraillə sərhəd bölgələrində, xüsusən Litani çayının cənubunda hərbi iştirakını gücləndirib və 10 minədək hərbçi yerləşdirib.

Crossmedia.az bu barədə xarici mediaya istinadən xəbər verir.

Məlumata görə, Litani boyunca 11 qaçaq malların daşındığı keçid bağlanıb, bölgədə partlamamış sursatların zərərsizləşdirilməsi davam edir. Habelə, Livan ordusu Hizbullahın gizli tunellərini və hərbi avadanlıqlarını jurnalistlərə göstəriblər.

BMT-nin məlumatına görə isə İsrail 2024-cü ilin noyabrında əldə edilən atəşkəsdən bəri sərhəd zonasına demək olar ki, hər gün hava zərbələri endirib. Hücumlar əsasən Hizbullahı hədəf alsa da, 127 mülki şəxs həlak olub. Hizbullah isə Litanidən cənubda silahlı mövcudluğunun qalmadığını bildirir.

Nəzrin Abbas

🖨 Çap et

12:43 29.11.2025

Oxunuş sayı: 1057